Ufstig isch gsicheret!

De Sunnti Nami hei mir scho dr zwöit letzti Match vo dere Saison gspiut. U zum Glück gwunne. Somit isch itze üse Ufstig id 4 Liga gsicheret, u ds Saison-Ziu somit erreicht!!

Ih erst Satz hei mir ni schlächt gstartet. Es paar mau es paar Eigefähler gmacht, aber im grosse u ganze mitemene stabile 18:25 dr ersti Satz für üs chönne entscheide.

Dr zwöit Satz het ni schlächt ahgfange u es isch 18:13 für üs gstande. Ner si mir ihnes rechts Töiif gheit u heis grad ni gschafft da wider use ds cho, u plötzlech isch 25:25 gstande u Burgdorf het dr Satz für sich chönne entscheide u mitemene 27:25 gwinne.

Ner hei mir gwüsst: Itze oder nie. U mir hei vrsuecht mitere grössere Überzügig ufds Fäud ds gah. Nümme so wie "ds Bambi im Schiinwärferliecht…" u somit hei mir ner 12:25 gwunne.

Dr letzti Satz isch no es rechts uf u ab gsii. Aber mir hei schlussendlech 20:25 gwunne! Somit het dä Match gege Burgdorf mitemene 3:1 für üs geendet und mir hei üs dr definitiv Ufstig vor Saisonabschluss gsicheret!

VBC Burgdorf vs. VBC Münchenbuchsee 1:3 (18:25, 27:25, 12:25, 20:25)