Aarbärg mir si ufem wäg..

A üsem hütige Matchtag si mir nach Aarberg gfahre. Üses Ziu isch klar gsi 3 Pünkt müesses si.
Mit dem Moto hei mir de o gstartet. Dr erst Satz isch rächt usgliche gsi, da mir leider ou paar Eigefähler  gmacht hei. Nach dem Üse Coach Dinah de doch es Timeout gno het, hettsi üs mau zersch chlei müesse wach rüttlä. U das het üs ou guet da, mir hei de dr 1 Satz chönne 22:25 gwinne.
Dr 2 Satz hei mir de suverän gstartet mit starche Service, ruhige Ahnahme u de no mit platzierte Agriffe si mir Aarberg drvo zogä. De hei mir dr 2 Satz ou für üs chönne entscheide mit 8:25.
Was isch nomau üsses Motto gsi? Ah ja 3 Pünkt müesses si.. Da giz numeno eis: dr Sack zuemache. Genau das hei mir im 3 Satz gmacht. Mir hei Aarberg dür üsi starche Service chönne ungerdruck setzä u so si ni gar nüm is Spiu cho. So hei mer dr Sack mit 10:25 zue da!
Natürläch bruchts für sone Leistig immer z ganze Team! Dir sit super!
Öpper isch aber definitv back wär isches äch? Drü mau dörfter Rate. Es isch vo üsem Personal üsi Diagonal. Angela du bish wunderbar. Schön bisch zrugg.

So hei mir hüt i 1Stung u 10 Minute es klars 3:0 dörfe fiire. Witer geiz am Samsti 7.12.24 Spitzekampf daheime gege Aeschi. Chömet verbi!

Gheimtipp: Es git feins Raclette u Glüehwii!
Tippkick!

Volero Aarberg a - VBC Münchenbuchsee (22:25, 8:25, 10:25)