3:2 für d Schwiizer Fuessballnati und 3:2 für üs

Am Fritig am 2. Dezember häd üs de VBC Uni Bärn zure vernünftige Ziit (19:30 Uhr) zumene Chräftemässe i de Muesmatthalle i de Länggass iglade. Mier hend ned mit dem Sälbstvertraue, womer üs erhofft hend, i Match gstartet und hendne drum mit 25:20 a Uni Bärn gschänkt. Im zweite und dritte Satz hed vo Anahm bis Agriff alles zämepasst und hend somit beid Sätz 25:20 und 25:15 gwunne. Zum Afang vom vierte Satz hemmer vo üsem Ersatzcoach em Ädu (a dere Stell no es Merci a ihn) mitbecho, dass sich d Schwiizer Fuessballnati guet schlahd und üsi Unterstützig am Färnseh ned brucht. Öb mers äxtra gmacht hend oder ned - weiss niemer so genau - uf jede Fall hemmer de viert Satz nachher 25:23 verlore. Im füfte Satz hemmer bis zum Sitewächsel meh oder weniger fählerfrei gspilt und hend miteme guete Polster d Siite chönne wächsle. Nachem Siitewächsel hemmer de no paar Gschänkli verteilt - es gahd ja uf d Wiehnacht zue - hei aber trotzdem mit 15:12 de Match (3:2) für üs chönne entscheide.

Merci a allne Zueschauer und a Ädu!

VBC Uni Bern - VBCM 2:3 (25:20, 20:25, 15:25, 25:23, 12:15)