Ab id Bärge

Am Samsti si mir iz Welschenrohr gfahre und hei üs die 3 nächste Punkt dörfe ergattere. 

Nach dr schneeige Fahrt, wo uf und ab isch gange, si mir a dr Bergspitze acho. Dr erst Satz hei mir mit em ne chline Stolper gstarte. Mir hei viu Service Fehler gmacht und si am lauere gsi, trotzdem hei mir d'Hoffnig nid verlore und dr Satz mit 26:24 könne gwinne.
Im zwöite Satz hei mir nähr wieder nacheglah. Somit si üs Bäu vor Füess gheit und hei viu Eigefehler gmach. Leider hei mir de Satz nähr 25:20 verlore.

Wach si mir nähr ih dritt Satz inne und hei Loch um Loch gfühlt und i Bode gsetzt. So hei mir nähr dr Satz uf üsere Site kha mit 19:25.

Im 4 Satz hei mir dr Schwung gd mit gno und hei mit schöne Verteidigungen wie oh Agriffe Punkt um Punkt könne mache. So hei mir dr Sack mit 25:19 zue tah und hei gno.

Mir fröie üs uf üses nächste Meisterschaftsspiil am 9.12.23 im Bodenacher. Chömet doch a däm Tag am 16:30 id Haue um üs i däm Spitzespiel gägä Burgdorf z ungerstütze!

VBG Welschenrohr - VBC Münchenbuchsee (24:26, 25:20, 19:25, 19:25)