> Zurück

Letzter Saisonsieg = Aufstieg ?

Herren 3 16.03.2020

Zum saisonabschluss müessemer noeinisch ohni üse coach aträte, dasmau usswärts z langetau. Gäge si heimer ir vorrundi üsi höchsti niderlag igfahre u hei drum einiges widerguetzmache.

 

Interimistisch übernimmt dr aron d leitig u macht si job erwartigsgmäss souverän. Mir starte guet ids spiu u gwinne dr erst satz relativ sicher, bevor üs am ändi vom zwöite zwüschezitlech d luft usgeit.

 

Bim stand vo 1:1 dörfemer itz ke satz me abgä wemer d chance ufe zwöit platz wei ufrächerhaute. Im dritte macht üs weniger dr gägner aus di töifstehendi sunne z schaffe, wo d ufgab vode rückrumspiler zuenähmend erschwärt. Trotzdäm gwinnemer dr dritt wi de o dr letzti satz erfreulech klar.

 

Öb das schlussändlech füre ufstig längt wüssemer noni, aber uf jede fau sorgts bi pizza und bier für gueti stimmig!

 

Nachem letzte match vo üsere meisterschaft am dsistig am 10.03.2020 vo Volero Aarberg gäge STV Oensingen isch endlich klar, das mir ufstige!!! Dank dr erwiterig vor 3. Liga uf 10 Team pro Gruppe, stö mir ou als 2. vo üsere Meisterschafts Gruppe als direkter ufstiger fest. Als neus team id saison gstartet und gad dr ufstieg, dass mach üs aui ganz stouz.